خاينة
كتبهابو وعد ، في 16 يناير 2011 الساعة: 22:34 م
خاينة
ـــــــ
في لحظة خانت وراحت سابقة
وقالت لي أبعد أنا عمري ما هبقى
ليك في يوم ولا في الأحلام
رجعت بعدها وأنا ندمان
ندمان ومش عارف على أيه
على قلبي ولا على اللي جرى فيه
ولا على الأيام
اللى جريت قوام
وكأنها سحابة عدت
رمت المطر ولا هدت
قالت لى أنا خنتك ومنفعش
ولا فى يوم ليك مرجعش
قالت كلامها بكبرياء
حسيت وقنها بالغباء
كان حقى أنا اللى أثور
ولا تهدى معايا أمور
لكنى أستكنت وأنحنيت
وقلت وقتها ياريت
تتزرع كرامة للى يحب
ويقف قلبه ولا يدب
خانت وبدأت الهجوم
وقلبى فى حالة وجوم
يمكن مش مصدق
وسايب نفسه يغرق
فى بحر من الأوهام
فى حلم من الأحلام
اللى رسمها معاها
وقت اللقى فى صفاها
خانت ومخنتش
قالت وما قالتش
لا خانت وقالت كل الكلام
وهو سمع كل الملام
لكنه عاشق وهيمان
وميقدرش على الحرمان
هيسامح أكيد وينسى
ومش ممكن أبدا يقسى
خانت لا مش ممكن تخون
ده أول فرحة فى دنيته
وأول حب ينور سكته
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
