مايو 9th, 2011
كتبها بو وعد
نشر في , غير مصنف,
نهاية قصة
وانتهت قصة الغرام
بقلب مجروح بالسهام
كنت نزوة غبية فى حياتها
مع أنى عوضت كل اللي فاتها
كنت الصديق وأوفى الخلان
اللي أتملى قلبه أشجان
يا خسارة الحروف والكلام
وحسرة على قلبي اللي ما نام
سهر يونس قمر ليله
وأتحمل عذابه وويله
انتهت القصة نهاية حزينة
بقت حكايتي حديث المدينة
الكل يشاور ويهمس كمان
على الجريح الندمان
على قلب حب وأنصدم
على جرح مليان بالألم
المزيد
أبريل 29th, 2011
كتبها بو وعد
نشر في , غير مصنف,
البيت الكبير
ـــــــــ
كنت عايش هنا من زمان
هنا بيتى هنا الآمان
كل طوبة عليها أسمى
كل صورة هى رسمى
هنا كانت الطفولة
هنا الشباب هنا الكهولة
عشش العنكبوت على البيت
هربت وقلت يا ريت
يا ريت البنا كان خايب
ولا الحديد كان دايب
ياريتنى ما شفته كبير
والعناكب فيه بتسير
لكن خلاص هقف لهم
ند عنيد فى صدهم
وأحمى كل حبة رمل
حضنت قدمى وكأنها جمر
المزيد
فبراير 11th, 2011
كتبها بو وعد
نشر في , غير مصنف,
حريـــــــــــة
ـــــــــــــــــ
لأول مرة هنشم الحرية
ونعيش بعيد عن شلة الحرامية
لأول مرة الصوت بيسمع
ومش اللى قايله متلمع
لآول مرة صوت الجمهور
هو اللى يكتي المنشور
هو اللى يقول ويحاكم
ويفرش فى الميدان محاكم
الله على صوتى وهو عالى
بالحق مش بكلام متعالى
قلت وهتفت وأنا مش خايف
والكل حواليا بيردد وشايف
من غير ما حد يقولى بس
المزيد
فبراير 11th, 2011
كتبها بو وعد
نشر في , غير مصنف,
خوف وهم
ـــــــــ
من كتر الخوف والهم
أنفرط العقد وما أتلم
كل حبة بتبعد حبة
خايفة تلاقى الأحبة
خايفة من لم الشمل
خايفة خوف النمل
لما الملك سليمان
قال لجيوشه بحنان
حاسبوا على المخاليق
عاملين تحتنا فريق
كان ملك عادل حكيم
مكنش بجبروته لئيم
لكن نمل النهار مش صغير
وقال لازم نتغير
المزيد
فبراير 6th, 2011
كتبها بو وعد
نشر في , غير مصنف,
ألف وميم
ــــــــ
تحت الجميزة أتربيت
وعشت فى كل غيط
أكل من خير ترابك
وتسقيني بدم شبابك
الأم مش ألف وميم
الأم رحمة من الجحيم
ولما تكون الأم أرض
ينحني لها كل فرد
ينحني ويزرع ويحصد
ينحني من غير ما يرفض
ولما يرفع فيها قامته
يبقى قامت يوم قيامته
يبذل الروح والدم
ويقول ده فدا الأم
شايل كفنه على أيده
وما حد يقدر يحيده
كل المنى يحفظ ترابها
كل المنى يحفظ شبابها
أمي العجوزة المكركبة
المزيد
