بو وعد http://buwaad.maktoobblog.com بعض المكنونات Mon, 09 May 2011 18:50:23 +0000 http://wordpress.org/?v=2.6.5 en نهاية قصة http://buwaad.maktoobblog.com/1584279/%d9%86%d9%87%d8%a7%d9%8a%d8%a9-%d9%82%d8%b5%d8%a9/ http://buwaad.maktoobblog.com/1584279/%d9%86%d9%87%d8%a7%d9%8a%d8%a9-%d9%82%d8%b5%d8%a9/#comments Mon, 09 May 2011 18:50:23 +0000 بو وعد http://buwaad.maktoobblog.com/?p=1584279  

نهاية قصة
 
وانتهت قصة الغرام
بقلب مجروح بالسهام
كنت نزوة غبية فى حياتها
مع أنى عوضت كل اللي فاتها
كنت الصديق وأوفى الخلان
اللي أتملى قلبه أشجان
يا خسارة الحروف والكلام
وحسرة على قلبي اللي ما نام
سهر يونس قمر ليله
وأتحمل عذابه وويله
انتهت القصة نهاية حزينة
بقت حكايتي حديث المدينة
الكل يشاور ويهمس كمان
على الجريح الندمان
على قلب حب وأنصدم
على جرح مليان بالألم
قالوا له دواك أنك تنسى
وتعلم قلبك أنه يقسى
والمشكلة القلب تعبان
من كتر الشوق والحرمان
طعنه جاتنى من حبيب
رفع سلاحه كأنه غريب
وشهره فى وشى بجرأة
نسى صداقتنا والبراءة
تسى اللى بينا من مودة
نسى أيام الضيق والشدة
كان كل الدنيا ليا زمان
كان البيت كان الآمان
أهى رحلة أنتهت بندم
ورستنى على شط العدم
وأنتهت قصة الغرام
وماتت معاها الأحلام
 
 
]]> http://buwaad.maktoobblog.com/1584279/%d9%86%d9%87%d8%a7%d9%8a%d8%a9-%d9%82%d8%b5%d8%a9/feed/ البيت الكبير http://buwaad.maktoobblog.com/1584271/%d8%a7%d9%84%d8%a8%d9%8a%d8%aa-%d8%a7%d9%84%d9%83%d8%a8%d9%8a%d8%b1/ http://buwaad.maktoobblog.com/1584271/%d8%a7%d9%84%d8%a8%d9%8a%d8%aa-%d8%a7%d9%84%d9%83%d8%a8%d9%8a%d8%b1/#comments Fri, 29 Apr 2011 08:46:03 +0000 بو وعد http://buwaad.maktoobblog.com/?p=1584271  

البيت الكبير
ـــــــــ

كنت عايش هنا من زمان
هنا بيتى  هنا الآمان
كل طوبة عليها أسمى
كل صورة هى رسمى
هنا كانت الطفولة
هنا الشباب هنا الكهولة
عشش العنكبوت على البيت
هربت وقلت يا ريت
يا ريت البنا كان خايب
ولا الحديد كان دايب
ياريتنى ما شفته كبير
والعناكب فيه بتسير
لكن خلاص هقف لهم
ند عنيد فى صدهم
وأحمى كل حبة رمل
حضنت قدمى وكأنها جمر
يمكن من حرارة شوقها
ولا الحنين للى فوقها
راجع لبيتى رافع راسى
ومطيح بكل الكراسى
راجع ألم صحبتنا
ومش هعتب على اللى فاتنا
راجع نشبك الأيادى
ونكيد كل الأعادى
نقف نستقبل الضيوف
ونتحدى كل الظروف
ونتلم فى البيت الكبير
جنود شجعان مغاوير
نحمى حدود الدار
من أى صاحب غدار
أنا عشت هنا عمرى
وهنا هينتهى أمرى
فى تراب وتربة جدودنا
فى أرض خير بلدنا

 

]]> http://buwaad.maktoobblog.com/1584271/%d8%a7%d9%84%d8%a8%d9%8a%d8%aa-%d8%a7%d9%84%d9%83%d8%a8%d9%8a%d8%b1/feed/ حريـــــــــة http://buwaad.maktoobblog.com/1584265/%d8%ad%d8%b1%d9%8a%d9%80%d9%80%d9%80%d9%80%d9%80%d9%80%d9%80%d9%80%d9%80%d8%a9/ http://buwaad.maktoobblog.com/1584265/%d8%ad%d8%b1%d9%8a%d9%80%d9%80%d9%80%d9%80%d9%80%d9%80%d9%80%d9%80%d9%80%d8%a9/#comments Fri, 11 Feb 2011 22:39:28 +0000 بو وعد http://buwaad.maktoobblog.com/?p=1584265  

حريـــــــــــة
ـــــــــــــــــ
لأول مرة هنشم الحرية
ونعيش بعيد عن شلة الحرامية
لأول مرة الصوت بيسمع
ومش اللى قايله متلمع
لآول مرة صوت الجمهور
هو اللى يكتي المنشور
هو اللى يقول ويحاكم
ويفرش فى الميدان محاكم
الله على صوتى وهو عالى
بالحق مش بكلام متعالى
قلت وهتفت وأنا مش خايف
والكل حواليا بيردد وشايف
من غير ما حد يقولى بس
خلاص بقالنا فى البلد حس
رحنا التحرير وحررنا
مصر من اللى قهرنا
هتفنا بزعيق وشتيمة
هتفنا ومقاصدنا سليمة
كنا طوائف وبلديات
من الصعيد ومن الواحات
شفت شيوخ وأطفال وبنات
رجعت لزمن الخير اللى فات
رجعت لبيتى وأحزانى راحت
لما عرفت الغمة أنزاحت
خرجنا من الحرب رافعين راسنا
بكرامة مصر وحب ناسنا
 
]]> http://buwaad.maktoobblog.com/1584265/%d8%ad%d8%b1%d9%8a%d9%80%d9%80%d9%80%d9%80%d9%80%d9%80%d9%80%d9%80%d9%80%d8%a9/feed/ خوف وهم http://buwaad.maktoobblog.com/1584261/%d8%ae%d9%88%d9%81-%d9%88%d9%87%d9%85/ http://buwaad.maktoobblog.com/1584261/%d8%ae%d9%88%d9%81-%d9%88%d9%87%d9%85/#comments Fri, 11 Feb 2011 15:48:45 +0000 بو وعد http://buwaad.maktoobblog.com/?p=1584261  

خوف وهم
ـــــــــ
من كتر الخوف والهم
أنفرط العقد وما أتلم
كل حبة بتبعد حبة
خايفة تلاقى الأحبة
خايفة من لم الشمل
خايفة خوف النمل
لما الملك سليمان
قال لجيوشه بحنان
حاسبوا على المخاليق
عاملين تحتنا فريق
كان ملك عادل حكيم
مكنش بجبروته لئيم
لكن نمل النهار مش صغير
وقال لازم نتغير
ونرسى قوانين جديدة
تخلى قلوبنا سعيدة
ونلاقى لقمة نظيفة
ومدرسين حريفة
يعلموا ولادنا بجدارة
وترجع مصر منارة
تنور على كل الناس
بحب وخير وإحساس
ترجع بلدنا لمجدها
والكل يشهد بفضلها
مصر هتفضل غنية
مهما سرقوا الحرامية
لأن غناها فى عز ولادها
مش بالأغنياء وعبيدها
 
]]> http://buwaad.maktoobblog.com/1584261/%d8%ae%d9%88%d9%81-%d9%88%d9%87%d9%85/feed/ ألف وميــــــــــــم http://buwaad.maktoobblog.com/1584255/%d8%a3%d9%84%d9%81-%d9%88%d9%85%d9%8a%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%85/ http://buwaad.maktoobblog.com/1584255/%d8%a3%d9%84%d9%81-%d9%88%d9%85%d9%8a%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%85/#comments Sun, 06 Feb 2011 20:06:03 +0000 بو وعد http://buwaad.maktoobblog.com/?p=1584255  

 
ألف وميم
ــــــــ
تحت الجميزة أتربيت
وعشت فى كل غيط
أكل من خير ترابك
وتسقيني بدم شبابك
الأم مش ألف وميم
الأم رحمة من الجحيم
ولما تكون الأم أرض
ينحني لها كل فرد
ينحني ويزرع ويحصد
ينحني من غير ما يرفض
ولما يرفع فيها قامته
يبقى قامت يوم قيامته
يبذل الروح والدم
ويقول ده فدا الأم
شايل كفنه على أيده
وما حد يقدر يحيده
كل المنى يحفظ ترابها
كل المنى يحفظ شبابها
أمي العجوزة المكركبة
أمي الشابة المتعصبة
منديلها أبيض بآوية
شغلته أختي وأخويا
ولا الطرحة اللي بالقصب
على الجبين بتتنصب
نفسي أشوفك تانى يا أما
زى زمان حواليكى لما
الكل ليكي جاى يبارك
فى أبنك اللى خاض معارك
جاى يقولك أوعى البكا
ده قصة أبنك بتتحكى
على أرض سينا والعريش
وفى الجنوب ميتنسيش
رفع رايتك وقال
الله وأكبر مفيش محال
أنا أبن بطن مصر
أنا اللي بنيت العصر
أنا البكري للست الكبيرة
السمرا الطيبة الأميرة
 
]]> http://buwaad.maktoobblog.com/1584255/%d8%a3%d9%84%d9%81-%d9%88%d9%85%d9%8a%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%85/feed/ فى ميدان التحرير http://buwaad.maktoobblog.com/1584251/%d9%81%d9%89-%d9%85%d9%8a%d8%af%d8%a7%d9%86-%d8%a7%d9%84%d8%aa%d8%ad%d8%b1%d9%8a%d8%b1/ http://buwaad.maktoobblog.com/1584251/%d9%81%d9%89-%d9%85%d9%8a%d8%af%d8%a7%d9%86-%d8%a7%d9%84%d8%aa%d8%ad%d8%b1%d9%8a%d8%b1/#comments Thu, 03 Feb 2011 11:46:38 +0000 بو وعد http://buwaad.maktoobblog.com/?p=1584251  

فى ميدان التحرير
ــــــــــــــــ
فى قلب الميدان وقدام الناس
ضربوا اخويا من غير إحساس
ضربوه ضرب الأعداء
مع أنه قدم روحه فداء
نسيوا أنه أبن الأرض
اللى عليها العدو أنقض
جاى يقول كلمته
ويدور على شلته
بيقول نفسى فى عيشة هنية
ده أنا ابن البلد ديه
من حقى أقول وأتكلم
من حقى أكل وأتعلم
أوعوا تسكتونى ببندقية
أنا اتولدت على الأرض ديه
مش هسكت تانى ولا هخاف
ومطلوب منكم الأعتراف
بأبسط حقوقى فى بيتى
بزرعى وتعبى فى غيطى
أنا مش أبن ضال
ولا أتمنيت المحال
بس أعيش بكرامة
أعيش وأهلى بسلامة
نفسى أحس بوطنيتى
مش فى أرضى بغربتى
هرفع صوتى وأقول كفاية
هنا لازم تخلص الحكاية
الكبير كبير بحكمته
مش بسلاحه وبندقيته
الكبير هو الأمان والحنان
مش اللى يقتل فيا الإنسان
هفضل مرابط فى أرض الميدان
لحد ما أخد حقى بالفدان
وأهش كل الوطاويط
اللى علينا بيوتنا بتحيط
فى قلب الميدان هنا مستنى
لحد ما حقق كل التمنى
 
 
]]> http://buwaad.maktoobblog.com/1584251/%d9%81%d9%89-%d9%85%d9%8a%d8%af%d8%a7%d9%86-%d8%a7%d9%84%d8%aa%d8%ad%d8%b1%d9%8a%d8%b1/feed/ الغربان والعنكبوت http://buwaad.maktoobblog.com/1584237/1584237/ http://buwaad.maktoobblog.com/1584237/1584237/#comments Wed, 02 Feb 2011 13:32:56 +0000 بو وعد http://buwaad.maktoobblog.com/1584237/1584237/  

الغربان والعنكبوت
ــــــــــــ
غربان معششة
وخيوط عنكبوت
على عقولنا مشوشة
تجرحنا لحد الموت
ظلم وفساد ظاهر
وعيشة بالأسم بس
ومعدش منا ظاهر
غير هيكل بدون حس
تعبنا نقول حرام
وكفاية علينا كده
قتلتوا كل الكلام
وبقيتوا لنا العدا
بكره يجى يوم
يتحاسب فيه الراعى
ويفتكر كل اللوم
ويتمنى يرجع الداعى
اللى نادى بصوته
يترجاه العدل
يتمنى يرجع ما فاته
وينسينا الذل
لكن خلاص صحينا
ومش هننام تانى
ونعرف مين شارينا
ونحاسب كل أناني
الغربان بدأت تبعد
والعنكبوت فك الخيوط
وإحنا هنبقى أسعد
ونرسم حريتنا بخطوط
عريضة بعرض النيل
تسقينا الديمقراطية
وتشفى كل عليل
وننسى الديكتاتورية
 
 
]]> http://buwaad.maktoobblog.com/1584237/1584237/feed/ الحسرة http://buwaad.maktoobblog.com/1584233/1584233/ http://buwaad.maktoobblog.com/1584233/1584233/#comments Wed, 02 Feb 2011 13:28:13 +0000 بو وعد http://buwaad.maktoobblog.com/?p=1584233  

الحسرة
ـــــــ
حسرة عليك يا بني
يا للي قعدت تبنى
وتعلى في قلب البيت
وعلى لسانك ميت ياريت
حسرة عليك يا بن مصر
يا للي سكنت في اعلي قصر
وفجأة بقيت على الرصيف
تنبش وتدور على الرغيف
ضغطوا عليك وقلبوا الحال
وشيلوك هموم جبال
كل همك لقمة وهدمة
من غير ذل من غير صدمة
كل همك ترفع رأسك
وتحس الآلفة في وسط ناسك
حسرتى بقت عليكى
يا مصر يا للي أبتليتى
بعصابة كبيرة منظمة
تسرق وتنهب بمعلمة
شلة بلطجية مهندمين
عايشيين على دم المحرومين
ولو نطق واحد أو وجه سؤال
يترفع له قرن الغزال
لكن خلاص صحي المارد
اللي كان بفكره شارد
وبلقمة عيشه مشغول
وبكل البلاوى معلول
صحي وقام بثورته
مش كره لا ده محبته
محبته لبلده وأهله وناسه
اللي داقوا المر وأحتاسوا
الحمد لله على صحوته
اللي بينت محبته
فكرتنا بليالي زمان
بولادنا الأبطال الشجعان
فكرتنا بأيام سعد
وعرابي اللي فاق الحد
لا مش هتحسر تانى
خلاص هتحقق الأماني
ونشوف عهد جديد
مفيش فيه عبيد
الكل حر بن حر
بيقول كفاية مر
بيقول هعلى مصري
وبيها هعيش عصري
ويلمع نجمي في الفضا
وأنول من تانى الرضا
]]> http://buwaad.maktoobblog.com/1584233/1584233/feed/ خاينة http://buwaad.maktoobblog.com/1584229/%d8%ae%d8%a7%d9%8a%d9%86%d8%a9/ http://buwaad.maktoobblog.com/1584229/%d8%ae%d8%a7%d9%8a%d9%86%d8%a9/#comments Sun, 16 Jan 2011 22:34:45 +0000 بو وعد http://buwaad.maktoobblog.com/?p=1584229  

خاينة
ـــــــ
في لحظة خانت وراحت سابقة
وقالت لي أبعد أنا عمري ما هبقى
ليك في يوم ولا في الأحلام
رجعت بعدها وأنا ندمان
ندمان ومش عارف على أيه
على قلبي ولا على اللي جرى فيه
ولا على الأيام
اللى جريت قوام
وكأنها سحابة عدت
رمت المطر ولا هدت
قالت لى أنا خنتك ومنفعش
ولا فى يوم ليك مرجعش
قالت كلامها بكبرياء
حسيت وقنها بالغباء
كان حقى أنا اللى أثور
ولا تهدى معايا أمور
لكنى أستكنت وأنحنيت
وقلت وقتها ياريت
تتزرع كرامة للى يحب
ويقف قلبه ولا يدب
خانت وبدأت الهجوم
وقلبى فى حالة وجوم
يمكن مش مصدق
وسايب نفسه يغرق
فى بحر من الأوهام
فى حلم من الأحلام
اللى رسمها معاها
وقت اللقى فى صفاها
خانت ومخنتش
قالت وما قالتش
لا خانت وقالت كل الكلام
وهو سمع كل الملام
لكنه عاشق وهيمان
وميقدرش على الحرمان
هيسامح أكيد وينسى
ومش ممكن أبدا يقسى
خانت لا مش ممكن تخون
ده أول فرحة فى دنيته
وأول حب ينور سكته
 
]]> http://buwaad.maktoobblog.com/1584229/%d8%ae%d8%a7%d9%8a%d9%86%d8%a9/feed/ أمتى يا مصــــــر http://buwaad.maktoobblog.com/1584225/%d8%a3%d9%85%d8%aa%d9%89-%d9%8a%d8%a7-%d9%85%d8%b5%d9%80%d9%80%d9%80%d9%80%d9%80%d9%80%d8%b1/ http://buwaad.maktoobblog.com/1584225/%d8%a3%d9%85%d8%aa%d9%89-%d9%8a%d8%a7-%d9%85%d8%b5%d9%80%d9%80%d9%80%d9%80%d9%80%d9%80%d8%b1/#comments Sun, 16 Jan 2011 21:52:02 +0000 بو وعد http://buwaad.maktoobblog.com/?p=1584225  

أمتي يا مصــــر
ـــــــــ
أمتي بقى يا مصر
تقومى قومه نصر
تقلدي فيها تونس
يقودها بهية ويونس
أتنين من الشعب
داقوا مرار وغلب
وحسوا فيها بظلم
قتل جواهم الحلم
بهية ويونس وعبدا العال
كان حلمهم صعب المنال
شافوا بلدهم أيام زمان
ملاذ ونبع للحنان
وفجأة أتقلبت عليهم
ونعلت خاش أبوهم
وأبتدئ عصر الاستعباد
والوئد لكل الولاد
رجعونا لعصر الفرعون
وخوف أم موسى الحنون
وكأن التاريخ راجع
يفكرنا بالمواجع
ويورينا ملكية جديدة
وملوك عنا بعيدة
تتمتع بخير بلدنا
وتشيب شعر ولادنا
ولو نطق أي حد
يقام عليه الحد
خلينا نحلم بزمن عادل
لحد ما يجى يوم نتعادل
أحنا وكل الحاكمين
ونحاسبهم حساب الدين
ويعيشوا نفس المرار
بس ناخد أحنا القرار
ونقف وقفة رجل واحد
جرجس وحسن وعبد الواحد
 
]]> http://buwaad.maktoobblog.com/1584225/%d8%a3%d9%85%d8%aa%d9%89-%d9%8a%d8%a7-%d9%85%d8%b5%d9%80%d9%80%d9%80%d9%80%d9%80%d9%80%d8%b1/feed/