فى ميدان التحرير
ــــــــــــــــ
فى قلب الميدان وقدام الناس
ضربوا اخويا من غير إحساس
ضربوه ضرب الأعداء
مع أنه قدم روحه فداء
نسيوا أنه أبن الأرض
اللى عليها العدو أنقض
جاى يقول كلمته
ويدور على شلته
بيقول نفسى فى عيشة هنية
ده أنا ابن البلد ديه
من حقى أقول وأتكلم
من حقى أكل وأتعلم
أوعوا تسكتونى ببندقية
أنا اتولدت على الأرض ديه
مش هسكت تانى ولا هخاف
ومطلوب منكم الأعتراف
بأبسط حقوقى فى بيتى
بزرعى وتعبى فى غيطى
ـــــــــــــــــــــــــــــــــــــــــــــــــــــــــ
التصنيفات : غير مصنف |
